સુરત: લેઉવા પટેલ સમાજના યુવાન રત્નકલાકારે અંગદાનથી ચાર વ્યક્તિને નવજીવન મળ્યું


– સુરતથી ચેન્નાઈનું 1610 કિ.મીનું અંતર 160 મીનીટમાં કાપીને દાનમાં મેળવવામાં આવેલા ફેફસાંનું ટ્રાન્સપ્લાન્ટ કર્યું

સુરત,તા.8 ઓગષ્ટ 2021,રવિવાર

કામરેજના પાસોદરા ખાતે લેઉવા પટેલ સમાજના યુવાન રત્નકલાકારે ફેફસા, કિડની, લીવર અને ચક્ષુનું દાન કરી ચાર વ્યક્તિઓને નવજીવન મળ્યુ છે. પરિવારે અંગદાનનો નિર્ણય લઇ માનવતાની મહેક ફેલાવી સમાજને નવી દિશા બતાવી છે.

મૂળ અમરેલીના ધારી તાલુકાના ચલાલા ગામમાં વતની અને હાલમાં કામરેજ ખાતે પાસોદરા રોડ પર ઓપેરા પ્રિન્સમાં રહેતા 35 વર્ષીય મનસુખભાઈ ઝીણાભાઈ કાથરોટીયા રત્નકલાકાર તરીકે કામ કરતા હતા. ગત તા.2જી એ રાત્રે બ્રેઈનસ્ટ્રોકનો હુમલો આવતા પરિવારજનોએ તાકીદે સારવાર માટે કામરેજની હોસ્પિટલમાં દાખલ કર્યા હતા. ત્યાં નિદાન માટે સીટી સ્કેન અને એમ.આર.આઈ કરાવતા લકવાનો હુમલો થયો હોવાનું નિદાન થયું હતું. ત્યાંથી વધુ સારવાર માટે ગત તા.4 થી એ વધુ સારવાર માટે સુરતની ખાનગી હોસ્પિટલમાં દાખલ કર્યા હતા. ગત તા.6થી એ ડોક્ટરોએ તેમની બ્રેનડેડ જાહેર કર્યા હતા. ડોનેટ લાઇફના સંપર્ક બાદ તેનો પરિવાર અંગદાન માટે સંમત થયો હતો.

સુરતથી ચેન્નાઈનું 1610 કિ.મીનું અંતર 160 મીનીટમાં કાપીને દાનમાં મેળવવામાં આવેલા ફેફસાંનું ટ્રાન્સપ્લાન્ટ ઇન્દોરની રહેવાસી 51 વર્ષીય મહિલામાં ચેન્નાઈની હોસ્પિટલમાં ડોક્ટરની ટીમ દ્વારા કરવામાં આવ્યું હતું. આ મહિલાના ફેફસાં કોવીડ ન્યુમોનિયાને કારણે ખરાબ થઇ ગયા હોવાથી તે છેલ્લા 76 દિવસથી ઈ.સી.એચ.ઓ મશીન અને વેન્ટીલેટરના સપોર્ટ પર હતી. જ્યારે તેમનું લિવર અમદાવાદના રહેતા 54 વર્ષીય વ્યક્તિમાં ટ્રાન્સપ્લાન્ટ કરવામાં આવ્યું હતું. જયારે દાનમાં મેળવવામાં આવેલી કિડનીમાં લોહીના ગઠ્ઠા જમા થઇ ગયા હોવાને કારણે બંને કિડની ખરાબ થઇ ગઈ હતી તેને કારણે કિડનીઓનું ટ્રાન્સપ્લાન્ટ થઇ શક્યું નહોતું. તેમના ચક્ષુઓનું દાન લોકદ્રષ્ટી ચક્ષુબેંકે સ્વીકાર્યું હતું. જ્યારે મનસુખભાઈની પત્ની રીટાબેન, પુત્ર ધ્રુવ (ઉ.વ.13) જે.બી. ડાયમંડ સ્કુલમા ધો.8 માં ભણે છે અને પુત્રી ખુશી (ઉ.વ.3) છે.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s